Tevna Holejine

Xweşiya zor tengav
Li dan û standinan difûre
U spîkevok mêvandarî
Malan dibin
Ji guliyên hezkirinê
Pelên hişk diwerin
Hiş di asoyên lef û dewran de birr bûye
U deriyê guhan ji ser zîlana zanistiyê ketiye
Werin li neçariyê bibin siwal
Wê keserên kelecanî
Werin bihîstin
Windabûn
Zindîgoran dikole
Jixwehezkirin xapegêr bûye
U bêhna jiyanê
Di liva genî de diçike